हाम्रो पुरुषार्थ अंक ८९
पं. भीमकान्त पन्थी शतवार्षिक–स्मृति–विशेषाङ्क
सबै विद्वान् हुँदैनन् । विद्वान्हरू पनि सबै प्रतिभाशाली हुँदैनन् । कति प्रतिभाशालीहरू लेख्ने जाँगर गर्दैनन् । विद्वत्ता, प्रतिभा र जाँगर तीनै जुट्ने महानुभावहरू दुर्लभ छन् । यस्तै दुर्लभ मध्येका प्रतिभा हुन् महाकवि भीमकान्त पन्थी । गुल्मी धुर्कोटको वाग्ला बडाचौरमा आजभन्दा १०० वर्ष पहिले जन्मेर त्यसबेला त्यत्रो विद्वत्ता आर्जन गर्नु नै एउटा विस्मयकारी विषय थियो । उनमा अद्भुत सृजनसामथ्र्य थियो । उनमा अतुल ज्ञानराशि थियो — भाषा, साहित्य, संस्कृति र अध्यात्मदर्शनको । काव्यचातुरी देख्छौं हामी उनको काव्यसृजनमा । रसपरिपाक भेट्छौं हामी उनका सरस रचनाहरूमा । अध्यात्मको आलोकमा आलोकित छन् उनका सृजनाहरू । सत्कर्ममय, निष्ठामय, सदाचारमय उज्ज्वल जीवन बाँचे उनी । सदा कर्मनिष्ठामा तत्पर रहे उनी । सदा पूर्वीय आर्यसंस्कृतिका अनुयायी रहे उनी । न कुनै आडम्बर न कुनै स्वाङ् स्फटिकझैं पारदर्शी थियो उनको जीवन । आफ्नो समयमा लोकवन्द्य बने उनी । जस्तो विचार उस्तै आचार भएको सङ्लो जीवन थियो उनको । एउटा आदर्शमय र अनुकरणीय महापुरुष थिए उनी ।
पुरै पुस्तक डाउनलोड गर्नुहोस.. यहाँ पढ्नुहोस