हाम्रो पुरुषार्थ अंक ८७
राष्ट्रकविको स्मृतिमा
स्वच्छन्दतावादको एउटा दियो निभेको छ, नेपाली साहित्यको आकाशबाट एउटा उज्यालो तारा अस्ताएको छ, राष्ट्रप्रेमको एउटा अटूट वाणी अवरुद्ध भएको छ । हामी दुःखी भयौं–अपूरणीय क्षतिमा । हामी शोकाकुल भयौं –राष्ट्रकविको वियोगमा ।
जसको सुमधुर वाणीमा सुन्दर, शान्त, विशाल नेपाल गुन्जन्थ्यो लयमा । कांगडादेखि टिष्टासम्मका वीरताका, हाम्रा शान र मानका कालजयी आवाजहरु घन्कन्थे जसका गीतमा । वीरताका, करुणाका, शृङ ्गारका, सृजनाका अथक गायक राष्टकविको निधनबाट–हामी मर्माहत भयौं ।
राष्ट्रकवि ! तिमीले देशपेम्र का कालजयी भाकाहरु गायौ । हाम्रा राष्ट्रचेतका ज्योतिर्मय भावहरु गायौ । सृजनाका मृत्युञ्जय गीतहरु गायौ । जिजीविषा र शृङ्गारका शाश्वत भावहरु गायौ । अखण्डता र एकताका ओजस्वी गानहरु गायौ । अब तिम्रो भौतिक जीवन छैन हाम्रो सामुमा । अब तिमी कृतिमा छौ, स्मृतिमा छौ । हे ! महागायक ! तिम्रो अनन्तयात्रा शान्तिमय बनोस् ।
राष्ट्रपेम्र , प्रकृतिपेम्र , शृङ्गार, मानवता, सृजना, करुणा, रहस्य र सौन्दर्यका भावहरु छताछुल्ल छन्–राष्ट्रकवि माधव घिमिरेका काव्यकृतिहरुमा । भावुकता र हार्दिकताका, स्वच्छन्दता र कलाका दोभान हुन् उनी । धन्य छ उनको जन्मस्थल लमजुङको पुस्तुन गाउँ । धन्य छ नेपाल राष्ट्र एउटा राष्ट्रकवि पाएर ।
सुदीर्घ समयसम्म नेपाल राष्टक«ो गाथा गाएर, नेपाली भाषासाहित्यको सेवा गरेर, ठूलो मानसम्मान पाएर, महानिर्वाण प्राप्त गर्ने शताब्दीपुरु्ष राष्ट्रकवि माधव घिमिरेको सम्मान र श्रद्धामा ‘हाम्रो पुरुषार्थ’को प्रस्तुत अड्ढ समर्पित छ ।
पुरै पुस्तक डाउनलोड गर्नुहोस.. यहाँ पढ्नुहोस